Moong Dal Bhog

Hello friends,

Me hoon Sangeeta Agrawal aur mere blog par aapka bahut bahut swagat hai. Aaj hum bana rahe hain Moong Dal bhog jo ki hamare yahan prasad ke roop me bahut hi shradha ke saath lagaya jaata hai.

# INGREDIENTS

1. 100 grams moong dal chilka
2. 100 grams parmal yaa kheer, khichdi chaval (rice)
3. 3 tablespoon desi ghee
4. 1 teaspoon kaccha jeera, pinch of Hing
5. 1 tablespoon haldi (turmeric), dhaniya powder, red chili powder, black chili powder
6. Whole spices: 4 long (cloves),4 choti ilaichi, 2 badi ilaichi,1dalcheeni stick (cinnamon), 2 tejpatta (bay leaf), javitri, chakra phool, pinch of jaifal (nutbeg) powder
7. 1/2 spoon salt
8. 2 tablespoon chopped dry fruits
9. 1 tablespoon sugar
10. mixed vegetables as aaloo, tomato, beans, gobhi, shimla mirch etc.
11. Paani (water) 5 guna dal chaval ke liye aur 1 bowl vegetables ke hisab se (Total 6 bowl)

# METHOD OF MAKING

• Sabse pehle dal chaval ko achhi tarah 4 or 5 times dhokar, 1 ghanta (hour) ke liye bhigo dijiye.
• Ab kadhai yaa cooker me 2 tablespoon ghee daal kar hing, jeera ko chatkakar dry fruits ko roast kijiye.
• Ab sabhi whole spices daal kar thoda sa roast karke aur sabhi pisey huye masale aur vegetables mila kar 2 min. roast kijiye.
• Ab dal chaval daal kar thoda sa bhooniye. 
• Last me measured paani yaa anuman se paani daal dijiye. Paani me boil (ubal) aane par cooker ko band kar keval 1 whistle dijiye aur pressure ke khatam hone par check kijiye.
• Agar kadhai yaa bhagona hai to tez flame par boil kar gas ko ekdam sim kar dhak dijiye. Pani ki  awaz ke khatam hone par kholiye. 
• Dal bhog khichdi ekdam khili khili taiyyar milegi. Ab dhaniya, 1 tablespoon ghee aur dry fruits daal dijiye. Lijiye moong dal bhog taiyyar hai.

# THINGS TO CONSIDER

1. Prasad khichdi me paani ki matra ko kum yaa zyada adjust kijiye.
2. Right ratio hai: 6 guna pani aur bheege huye ka 2 guna.
3. Agar  khichdi zyada liptama chahiye to hot water mila kar adjust kijiye.

Thanku Doston,

If you like my recipe please like and share it.

Thanks again.

Honey Chilli Lauki Kofta

 Hello friends,
Me hoon Sangeeta Agrawal aur mere blog par aapka bahut bahut swagat hai doston. Lauki ki sabji bahut hi healthy hoti hai agar hum isse kuch alag taste me banaye toh sabhi khaana pasand karengey. Meri aaj ki recipe hai Honey chilli lauki kofta.

# INGREDIENTS FOR KOFTA

1. 300 grams grated lauki
2. 100 grams besan or as per needed
3. 1 tablespoon dahi
4. 1 teaspoon namak,1 pinch of Hing
5. 2 hari mirch
6. 1 tablespoon grated ginger

This recipe has two Gravies:

1. 2 tomatoes,4 hari mirch,1 inch ginger piece
2. 15 kaaju (cashew nuts), 2 tablespoon white til (sesame seeds),1 tablespoon honey and 50 grams milk 

# INGREDIENTS FOR TADKA

1. 2 tablespoon desi ghee
2. 1 tablespoon haldi, dhaniya powder aur lal mirchi
3. whole spices: 1tea spoon jeera, pinch of hing, 2 badi ilaichi, 4 choti yaa hari ilaichi, ek piece dalchini, bay leaf, javitri
4. 200 ml. milk
5. 200 ml.water or as per needed

# METHOD OF MAKING

• Pehle hum lauki ko achhi tarah dhokar, grate karenge aur kasi huyi lauki ko paani sahit sabhi ingredients ko mila kar ek kadhai me ghee yaa oil daal kar kofta ko fry kar ek napkin par nikal lenge.
• Ab ek kadhai me ghee daal kar jeera, hing ko tadka kar sabhi sabut masale (whole spices) bhoon kar tomato gravy ko mix karengey aur tab tak bhunegay jab tak gravy se ghee alag hone lage.
• Ab second gravy jo kaaju til ki hai usey bhi daal kar lagatar chalate huye roast kariye.
• Thick hone par doodh mila kar ghee chodhne tak bhooniye. 
• Ab paani add karke boil aane par salt as your taste aur kofte mix kar 5 min. pakakar gas off kar dijiye. Hara dhaniya aur hari mirch se garnish kar enjoy kijiye.

# THINGS TO CONSIDER

1. Grated lauki ke hisab se besan ko adjust kijiye. Bas itna hi daliye jisse batter bind ho jaaye zyada nahi. Ekdam soft kofta taiyyar hoga.
2. Gravy me namak baad mein hi daaliye jisse taste achha aata hai aur kuch bhi phatne ka chance nahi rehta hai.
3. Kofta gravy ko soak karte hain isliye paani ki matra ko adjust kijiye.

Thanku Doston,
If you like it then please share it.
Thanks again.

Lauki Kofta Karara

Hello friends,

Me hoon Sangeeta Agrawal aur mere blog par aapka bahut bahut swagat hai doston. Aajkal lauki ka season hai aur bahut hi fresh lauki mil rahi hai isliye aaj ham lauki (bottlegourd) k kofta banayenge jo ki khaane me bahut tasty lagte hain. Meri aaj ki recipe hai Lauki Kofta Karara jinko roti, paranthe yaa rice ke saath khaa sakte hain.

# INGREDIENTS

1. 300 grams grated lauki
2. 100 grams besan or as per needed
3. 1 teaspoon salt as per taste
4. Chopped hari mirch and ginger
5. 1 teaspoon crushed kali mirch
6. 1/2 spoon citric acid (neembu ke phool)
7. Ghee or oil for frying kofta

INGREDIENTS FOR GRAVY OF KOFTA

1. 100 grams dahi (curd)
2. 1 teaspoon jeera (cumin seeds),1 pinch of heeng, 1/2tea spoon red chili powder
3. 500 ml. water or as needed
4. 1 tablespoon haldi (turmeric), dhaniya powder

INGREDIENTS FOR TADKA

1. 1 tablespoon desi ghee
2. 1 teaspoon jeera, 1/2tea spoon heeng, 1 teaspoon pisi huyi lal mirch (red chili powder)
3. 2 sabut lal mirch

# METHOD OF MAKING

• Sabse pehle lauki ko achhi tarah dhokar, cheel kar grate karenge aur ab grated lauki ko bina nichoday (squeeze) kiye bina sabhi kofta ingredients ko milakar aur achhi tarah masalkar lauki ke chote balls banakar kadhai me deep fry kar ek napkin par rekh denge jisse extra ghee nikal jaaye.
• Ab kadhai me sabji banane se pahle ek bowl mein dahi ko achhi tarah beat karke paani milakar alag rakhiye.
• Ab ek kadhai me ghee garam hone par hing jeera ko chatka kar masale daal kar zara sa bhooniye.
• Phir dahi paani ko daaliye aur lagatar ubaal ke khatam hone tak chalate rahiye jisse dahi phat naa jaaye. 
• Zaroorat k hisab se aur pani mila lijiye. Ab kofte daal kar thodi der boil kar gas band kariye.
• Tadka lagaa kar mix kijiye. Lijiye lauki kofta karara taiyyar hai. Hara dhaniya se garnish kijiye.

# THINGS TO CONSIDER

1. Grated lauki ko squeeze naa kare jabki isi me besan etc. milakar kofta fry karen. Isi wajah se kofte ekdam soft bante hain.
2. Lauki ke hisab se besan ko kum zyada adjust kariye.
3. Namak (salt) gravy me boil hone ke baad hi daalna hai.
4. Agar kofta soft naa bane to 1 spoon dahi yaa 1 pinch baking soda add kijiye.
5. Agar dahi pahle mix karne par gravy phat jaati h to dahi ko sabhi ke thande hone par milakar tadka daliye.

Thank you doston,

If you like my recipe then please like and share it.

Poha Potato Cutlets

Hello friends, 

Me hoon Sangeeta Agrawal aur mere blog par aapka bhaut bahut swagat hai doston. Cutlet ko hum aksar bread ke saath banate hain par aaj hum cutlets ko poha aur cornflour ke saath bana rahe hain jisse yeh zyada crunchy banenge. Meri aaj ki recipe hai Poha Potato Cutlets. .

# INGREDIENTS

1. 250 grams potato
2. 100 grams poha
3. Salt as per taste
4. 1spoon red, green and black chili
5. 2 tablespoon chopped ginger,1 teaspoon lemon juice
6. Onion and garlic if you like
7. 2 tablespoon cornflour and 1 tablespoon all-purpose flour for dipping cutlet
8. Ghee or oil for frying cutlets

# METHOD OF MAKING

• Sabse pehle poha ko kai baar paani me dhokar chalni mein rakhiye jisse extra paani nikal jaaye.
• Ab boiled aaloo (potato) ko grate karke, poha aur sabhi ingredients ko mila kar tray yaa plate mein set kariye aur cutlet cutter se shape dijiye. 
• Agar cutter na ho toh round, oval yaa kisi lid se bhi cut kar sakte hain. Ab saare cutlet ko cornflour ke thin paste me dip karke breadcrumbs mein lapetkar deep yaa shallow fry kijiye.
• Lijiye poha potato cutlet taiyyar hai. Apni pasand se sauce/chutney aur chai/coffee ke saath enjoy kijiye.

# THINGS TO CONSIDER

1. Agar cutlet dough soft ho jaaye to maida, cornflour, oats, daliya, bread crumbs or anything you have, mila kar fridge me rakhiye. Aur agar dough dry jo jaaye toh paani yaa doodh milakar soft kariye.
2. Agar cutlet ko pehle se banakar fridge me rakh le toh splatter nhi hote.
3. Breadcrumbs ki jagah til (seasame seeds) bhi laga sakte hain.

Thank you doston,

If you like my recipe then please like and share it.

Fried Dal Bati With Milk

Hello friends,

Me hoon Sangeeta Agrawal aur mere blog par aapka bahut bahut swagat hai doston. Daal Baati Churma ko hum sabhi khaana pasand karte hain. Par zyada ghee ke intake ki wajah se hum avoid kar dete hain. Aaj ham baati ko utni hi swadisht bana rahe hain but ek alag twist ke saath... hum doodh ke saath banayenge aaj.

# INGREDIENTS

1. 250 grams aata (wheat flour)
2. 2 tablespoon sooji (semolina) if you have
3. 1 tablespoon Salt..( ajwain is optional )
4. Ghee or oil for frying baati
5. doodh for kneading the aata as needed (if winter season is there then take lukewarm milk)

# METHOD OF MAKING

• Pehle hum aanch par kadhai me paani boil karne rakh denge, tab tak aata, sooji aur salt daal kar milk ki help se ek tight aata (dough) laga lenge...( Pani ka use nahi karna h..Isse vajah s hi baati khasta banti hain...Aur ghee or oil bhi soak nhi karti hain.
• Aata poori ke aatay se thoda sa tight. Aate ko masalna (smooth) nahi karna hai only collect kar choti choti muthiya banani hain. 
• Jab kadhai ke paani me tez ubaal aanay lage tab hi dalni hain jisse baati ka aata pani naa soak kar paaye aur pak (cook) bhi jaaye.
• Ab boiled water me daal dijiye aur thodi der me chala kar medium gas  kariye. Bati pakne par upar aa jaati hain aur kuch white jaisi drops baati ke upar aa jaati hain.
• Boiled water me bahut jaldi pak jaati hain baati. Ab isi samay (time) baati ko turant ek chalni mein palat dijiye aur poora pani sukhne ke baad garam garam hi muthiya ko 2,3 pieces me cut kar mixer me halka sa grind kar aata taiyyar ho jaata h. Kisi mesher se bhi aata bana sakte hain.
• Ab phir se aate ko only bind karna hai, masalna bilkul nahi hai. 
• Ab aate ka roll banate huye choti choti loi todkar ek chakle par haath se dabakar ek bartan me rakhte jaiye. Jab bhi khani hon deep fry kariye yaa shallow fry kariye kyonki aata pahle se hi paka hua hai.
• Lijiye ekdam crispy baati taiyyar hain.

# THINGS TO CONSIDER

1. Aata ko sakht lagana hai jisse aata paani nahi soak kar payega.
2. Paani me tez boil aa jaaye tab aata muthiya daliye jisse paani under na jaaye aur pak bhi jaaye.
3. Traditionally baati ko pure desi ghee mein hi fry kiya jaata hai
4. Taltay samay (fry karte time) ghee or oil ko tez aanch  par karke baati ko chod dijiye kadhai mein phir thoda sa sik jaane par aanch slow kar baati fry kariye.

Thanku Doston,

If you like my recipe then please like and share it.

Instant Appam cake

Hello friends,

Me hoon Sangeeta Agrawal aur mere blog par aapka bahut bahut swagat hai doston. Hum sabhi ko cake bahut hi pasand hota hai. Par banane me thoda time lagta hai. Isliye aaj hum cake ko appam pan me bana rahe hain jo ki 5 minutes me ban kar taiyyar ho jaata hai. Meri aaj ki recipe hai appam cake.

# INGREDIENTS

1. 1 cup sooji (semolina)
2. 1/2 cup condensed milk
3. 1/2 cup powder sugar
4. 30 grams salted butter
5. 2 tablespoonn tutti-fruity for vanilla cake
6. 1 tablespoon cocoa powder for the chocolate cake
7. 1/2 tea-spoon vanila essence or ilaichi powder
8. 1/2 spoon baking powder and 1/2 teaspoon baking soda or you can use Eno fruit salt (2 teaspoons)
9. some milk for mixing the batter

# METHOD OF MAKING

1. Pehle ek bowl me dry ingredients daal kar 2 baar chalni (sieve) me chaan lenge jisse achhi tarah mix hone ke saath air banne lagti hai aur cake achha spongy banta hai.
2. Ab isko 2 part me divide karke, ek me tutti-fruity aur ek me cocoa powder mix kar alag rakh dijiye.
3. Phir ingredients ko achhi tarah phent kar (beat) fluffy bana lijiye.
4. Ab aadha-aadha (half.. half) batter ko do bowls me transfer karke doodh ki help se semi thick batter bana lijiye. 
5. Ab appam pan ko greased (chikna) kar halka preheat kariye. 
6. Eno salt yaa baking soda mila kar ek spoon se aadha fill kariye. Appam stick yaa fork ki help se ulat palat kar bake kariye.
7. Thanda hone par cake ke upar honey daal kar tutti-fruity aur chocolate chips se garnish kijiye. Lijiye yummy sa cake taiyyar hai.

# THINGS TO CONSIDER

1. Semolina ki jagah (place) par wheat aata, all purpose flour (maida) bhi use kar sakte hain.
2. Appam pan me cake ko 30 seconds me check kijiye. Yeh  bahut jaldi bake ho jaata hai.
3. Agar condensed milk naa ho toh dahi daal kar bhi bahut tasty banta hai.

Thanku Doston,

If you like my recipe then please share it.

Thanks again.

Oats Milk Kalakand

Hello friends,

Me hoon Sangeeta Agrawal aur mere blog par aapka bahut bahut swagat hai doston. Oats (jaee, jwar) ko aaj hum mithai ki form mein bana rahe hain. To aaj ki meri recipe hai oats milk kalakand.

# INGREDIENTS

1. 1 kg.full cream milk
2. 200 grams cheeni
3. 2 tablespoon well roasted and grind oats
4. 1 tea-spoon alum (fitkari)
5. 100 grams grated paneer
6. 1 teaspoon ghee
7. 1 teaspoon hari ilaichi powder (cardamom powder)
8. 2 tablespoon finely chopped and roasted dry fruits

# METHOD OF MAKING

• Sabse pehle kadhai me ghee daal kar chopped kaaju aur badam ko roast kare. 
• Phir oats ko slow medium gas par bhoon kar nikal lenge. Ab isi kadhai me doodh (milk) daal kar boil kariye. 
• Doodh me ubaal aane par 1 tea-spoon alum daal kar milk ko lagataar chalate rahiye. Doodh me oats milakar thick hone tak chalana hai.
• Ab cheeni aur paneer milakar chalaiye. 
• Dry fruits and ilaichi (cardamon) powder mix kar niche tali mein se ragadte huye jamne ki consistency tak chalakar greased container (chiknai lage bartan) me transfer kariye.
• Thanda hone par apni pasand ke aakar me cut kijiye. Lijiye oats kalakand taiyyar hai. Dry fruits se garnish kar serve kijiye.

# THINGS TO CONSIDER

1. Alum is beneficial for health and it enhances the taste of kalakand.
2. Oats ko doodh me grind aur roast karke ke baad daaliye.
3. Agar kalakand set nahi ho paaye toh fridge mein rakhiye.

Thanku Doston,

If you like my recipe then please share it.

Thanks again.