Kele ke Chilke (Banana Peel) ki Sabji

Hello friends,

Me hoon Sangeeta Agrawal aur mere blog par aapka bhaut bahut swagat hai doston. Jab koi sabji na ho tab hum jhatapat kele k Chilkon se sukhi (dry) sabji taiyyar kar sakte hain.

# INGREDIENTS

1. 4 kele ke chilke (if size of bananas are small, take 6 banana skin)
2. 1 teaspoon namak aur 1 lemon slice for boiling chilka (banana peel)
3. 1 pinch Hing (asafoetida),1teaspoon jeera (cumin)
4. 1 teaspoon namak, haldi, lal mirchi (red chili powder), amchur (raw mango powder), dhaniya powder, garam masala, saunf
5. 1 tablespoon oil for frying sabji

# METHOD OF MAKING

• Pehle chilkon ko acchi tarah dhokar chote tukdon (pieces) me cut kariye. Phir pressure cooker me ek glass pani, ek lemon slice aur namak daal kar 3 yaa 4 seeti (whistles) aane tak boil kijiye. 
• Thanda hone par ek chalni (sieve) me palat (transfer) dijiye. Phir haathon (hands) se press karke chilkon ka extra pani nikal lijiye. Ab ek kadhai me oil daal kar hing aur jeera ko chatka kar haldi, dhaniya, saunf ko daal kar kele ke chilkon ko sim gas par fry kariye. 
• Last me  red chili aur garam masala mila dijiye. Lijiye sabji taiyyar hai. Hara dhaniya se garnish kar serve kijiye.

# THINGS TO CONSIDER

1. Chilkon ko cut karke turant (immediately) namak aur lemon slice wale paani me daal dijiye jisse yeh kaala  nhi honge.
2. Achhe swaad ke liye heeng aur jeera thoda normal sabji se zyada daaliye.

Thanku Doston,

Hope you like my recipe.

Kachhe Aam aur Hari Mirch ka Paani wala Achaar

Hello everyone,

Me hoon Sangeeta Agrawal aur mere blog par aapka bahut bahut swagat hai.

Aam ka paani wala achaar khichdi, daliya aur bhature ke saath bahut hi yummy lagta hai aur garmi me to turant hi taiyyar ho jaata hai.

# INGREDIENTS

1. 250 grams kachha aam
2. 50 grams hari mirch (green chili)
3. 1-liter mineral water yaa paani ko boil karke thanda kare
4. 3 tablespoon sendha namak
5. 2 tablespoon peeli sarson (rai) or kaali sarson (rai)
6. 1 tablespoon lal mirchi (red chili powder)
7. 1 tablespoon saunf
8. 3 tablespoon haldi (turmeric powder)
9. 1/2 tea-spoon methi and ginger powder if you have, not much necessary
10. 1 tablespoon sarson ka oil (mustard oil)

# METHOD OF MAKING

• Kachhe aam aur hari mirch ko acchi tarah dho kar clean kariye. Ab ek bartan (pan) me 1 liter paani (water) garam kariye.
• Tab tak aam ko bina cheelay hi cut kariye. Hari mirchi ke seeds nikal kar sabut (whole) ubalte paani (boiled water) me daliye aur gas (aanch) off kar dijiye. 
• Aadha ghanta (half an hour) baad aam aur hari mirch ko chalni (sieve) me sukha lijiye. 
• Ab sabhi masale ko mila kar aadhe masale ko aam aur hari mirch par lapetakar or bharkar alag 1 ghanta (1 hour) rakhiye aur aadhe ko 1 liter mineral water me mila dijiye. 
• 1 ghante baad aam ke pieces, hari mirchi aur mustard oil ko mix kijiye. Lijiye khatta aur chatpata achaar taiyyar hai.

# THINGS TO CONSIDER

1. Achaar rakhne ke liye container clean ho. Glass container should be boiled and sterilized.
2. Mustard oil daliye jo ki swad ke saath saath preservative ka bhi kaam karta hai.

Thanku doston,

If you like it please share it.

Thanks again.

Kacche Aam ki MeethI Lonji

Hello friends,

Me hoon Sangeeta Agrawal aur mere blog par aapka bahut bahut swagat hai. Aaj hum bana rahe hain aam ka meetha achaar jo ki poori aur paranthe ke saath bahut hi tasty lagta hai.

# INGREDIENTS

1. 250 grams kaccha (hara) aam 2 raw mangoes
2. 50 grams gur (jaggary) aur 50 grams cheeni (sugar)
3. 1 tablespoon oil or ghee as you like
4. 1 pinch Hing (asafoetida)
5. Kaccha jeera...1/2 Tea spoon ( cumin seeds )
6. 1/2 teaspoon methi dana (roughly grind)
7. 1 tablespoon namak (salt) for marinating mangoes and 1/2 tablespoon at the time of cooking mangoes
8. 1 tablespoon haldi (turmeric)
9. 2 tablespoon saunf (fennel seeds)
10. 1 tablespoon lal mirch(red chili powder).
11. 1 tea-spoon lemon juice,1 teaspoon roasted jeera powder and 1 tea-spoon garam masala
12. 1 tablespoon kishmish and kaaju

# METHOD OF MAKING

• Aam ko acchi tarah dhokar, cheel kar aur chotey pieces me cut karke namak aur haldi mila kar 2 yaa 3 ghante (2-3 hours) ke liye rakh dijiye. 
• phir ek kadhai me ghee yaa oil ke garam hone par hing, kaccha jeera aur kuti hui methi ko chatka kar aam ke pieces ko (haldi, namak sahit) kadhai me daal dijiye. 
• Acchi tarah chalakar 50 ml. paani daal kar dhakhkar pakana hai.
• Aadha soft hone par jaggery aur sugar mila dijiye. Phir poora pakne par sabhi masale aur dry fruits mix karke 2 mins chalakar gas off kar dijiye. Lijiye aam ka meetha achaar taiyyar hai.

# THINGS TO CONSIDER

1. Aam ki phaanko (pieces) ko namak, haldi me marinate  kijiye jisse aam ka aachaar tasty aur jaldi cook ho jaata hai.
2. Sabhi masale achaar banane ke baad hi daliye.
3. Thanda hone par clean container me rakhiye.

Thanku doston,

If you like my recipe please give your feedback.

Thanks again.

Healthy Curry Leaves Chutney

Hello friends,

Me hoon Sangeeta Agrawal aur mere blog par aap sabka bahut bahut swagat hai. Aaj hum bana rahe hain bahut hi swadisht curry patta ki chutney.

# INGREDIENTS

1. 100 gram or ek bunch curry patta

2. 2 tablespoon dahi (curd)

3. 1 lemon

4. 1 tea-spoon sendha namak,1 teaspoon kaala namak

5. 1  pinch of heeng (asafetida)

6. 5 or 6 hari mirch (green chilli)

7. 1/2 tea spoon ginger

# METHOD

• Curry patta ko acchi tarah dhokar aadhey ghantay ke liye pani me bhigo dijiye jisse kadi patta soft ho jaatay hain aur chutney ka jaldi hee fine paste ban jaata hai. Ab sabhi ko ek saath milakar grind kijiye. Chutney taiyar hai.
• If you like garlic then you add in it.
• If you add half bowl groundnut or coconut, it is ready for dosa and idli.

Thanku doston,

Thanks again.

Coco Chocko Delight

Hello friends,

Me hoon Sangeeta Agrawal aur mere blog par aapka bahut bahut swagat hai. Coco Chocko Delight is very tasty and simple in preparation. You can store it for a long time.

#  INGREDIENTS

1. 125 grams cheeni (sugar)

2. 60ml water for preparing sugar syrup

3. 125 grams milk powder

4. 2 tablespoon coco powder or two small packets of dairy milk chocolate

5. 50 grams salted butter

6. 2 tablespoon finely chopped dry fruits or chocolate chips

# METHOD OF MAKING

• Pehle ek nonstick kadhai me cheeni, pani aur butter dalkar, sticky sugar syrup banaiye. Phir coco aur milk powder ko ek saath daal kar chalaiye.Thoda sa aur sticky hone par ek tablespoon dry fruits milate huye tab tak chalaiye, jab tak mixture kadhai se alag hone lage. Ab ek ghee lage huye container me transfer kar dry fruits se garnish kijiye.
• Thoda sa set ho jaane par hi cut ke nishan laga dijiye. Poora set hone par pieces ko nikalkar kisi food container me bharkar rakh lijiye.

# THINGS TO CONSIDER

1. Kadhai me  mixture ko lagatar chalate huye pakana hai. Bahut jaldi taiyar ho jaata hai isse.

2. Choclate container ko halka sa gas par garm karke choclate barfi ko separate kijiye.

If you like my recipe please like and share it.

Thanks again.

Mango Coconut Baati

Hello friends,

Me hoon Sangeeta Agrawal aur mere blog par aap sabka bahut bhaut sawagat hai. Aaj hum jhatapat aam ki sweet dish Mango Baati bana rahe hain.

# INGREDIENTS

1. 1cup mango pulp

2. 1cup powder sugar

3. 1cup coconut powder

4. 1 cup milk powder

5. 1 tablespoon corn powder

6. 2 tablespoon desi ghee

7. Saffron

8. Pinch of mango food color

9. Some finely chopped dry fruits

# METHOD OF MAKING

• Ek kadhai (vessel) me ghee garm karke half coconut powder ko roast kariye. Phir ek saath sabhi ingredients ko dalkar tab tak chaliye jab tak mixture kadhai se alag hone lage. 
• Ab dough ko thanda hone par haath me ghee lagakar baati ke aakar mein banaye aur coconut powder me lapet kar fridge me rakh dijiye thanda hone ke liye. 
• Lijiye thandi mango baati taiyar hai doston. Garmi ke mausam me thandi mango baati bahut hi tasty lagti hai.

# THINGS TO BE NOTED

1. Swad me aam meetha ho.

2. Corn flour ko mango pulp me pehle hi mila lijiye jisse lumps naa rahen.

3. Agar mixture loose hai to fridge me thanda kare aur phir baati banaye.

Thanks  doston,

If you like it please give me ur feedback.

Lauki Ki Barfi Without Mawa

Hello friends,

Me hoon Sangeeta Agrawal aur mere blog par aapka bahut bahut swagat hai. Aaj ki recepie hai Lauki Ki Barfi jo ki bahut healthy aur tasty hoti hai.

# INGREDIENTS

1. 1 kg fresh lauki

2. 500 gram milk

3. 250 gram cheeni

4. 2 tablespoon ghee for roasting grated lauki

5. 2 table spoon milk maid or milk powder

6. 3 tablespoon roasted nuts (finely chopped)

7. Chopped pista or chaandi vark for garnishing barfi.

# METHOD OF MAKING

• Pehle lauki yaa bottlegourd ko acchi tarah dhokar, cheelkar aur grate karke kadhai me ghee daal kar lauki ko bhun lenge. Ab doodh daal dry hone tak roast kariye. Ab Cheeni dal dijiye aur paani sukhne  tak pakaiye. 
• Last me 2 tablespoon milkmaid yaa milk powder daal kar barfi ko set hone ki consistency tak chala kar, kisi greased container me transfer karke pista yaa chaandi vark se garnish karen.
• Thandi hone par apni pasand ke aakar me cut kijiye.

# THINGS TO CONSIDER

1. Grated lauki ko turant kadhai me roast kare yaa thande paani me daal kar aur extra paani ko nikal kar roast kare. Nahi to lauki ka rang kaala  ho jaata hai.

2. Full cream doodh lijiye.

3. Acchi rangat ke liye green food color use kar sakte hain.

Thanku Doston.